ການກວດ​ເຊັກ​ລົດ ດ້ວຍ​ຕົນ​ເອງ ​ເບື້ອງຕົ້ນ

ສະບາຍດີ​ ທຸກໆຄົນ ມື້ນີ້​ເຮົາ​ຈະ​ມາ​ເຮັດການກວດ​ເຊັກ​ລົດ ດ້ວຍ​ຕົນ​ເອງ ​ເບື້ອງຕົ້ນຊຶ່ງ​ຈະ​ເຮັດ​ໃຫ້​ລົດ​ທີ່​ເຮົາ​ຮັກ​ໃຊ້​ໄດ້​ຍາວ​ນານ ຫຼຸດການ​ແປງ​ການ​ລົດ​ຢ່າງໜັກໜ່ວງ ​ເພາະວ່າ​ການກວດ​ເຊັກ​ລົດ​ໃນ​ເບື້ອງຕົ້ນ ຊ່ວຍ​ເຮັດ​ໃຫ້​ເຮົາ​ຮູ້​ອາການ​ກ່ອນ ​ແລ້ວ​ຮີບ​ແກ້​ໄຂ​ດີກ​ວ່າ​ປ່ອຍ​​ເອົາ​ໄວ້​ດົນໆ ​ແລ້ວ​ຈາກ​ເລື່ອງ​ນ້ອຍ​ຈະ​ກາຍ​ເປັນ​ເລື່ອງ​ໃຫຍ່​ທີ່​ຈະ​ຮັບ​ໄດ້ ​ໃນ​ການກວດ​ເຊັກ​ລົດ​ສາມາດ​ເຮັດ​ໄດ້​ເທົ່າ​ທີ່​ຕ້ອງການ​ບໍ່ຈຳ​ເປັນ​ວ່າ​ຕ້ອງ​ເດີນທາງ​ໄກ​ກ່ອນ​ແລ້ວ​ຄ່ອຍ​ເຮັດ ຖ້າ​ເປັນ​ແນ​ວນັ້ນກໍ​ສາຍ​ເກີນ​ໄປ.

ວິທີ​ທີ່​ໄດ້​ນຳ​ສະ​ເໜີນີ້ ບໍ່​ໄດ້​ສະ​ເພາະ​ເຈາະ​ຈົງ​ວ່າ​ແມ່ນ​ລົດ​ລຸ່ນ​ໃດ ​ແບບ​ໃດ ພຽງ​ແຕ່​ຢາກ​ໃຫ້​ລອງ​ອ່ານ​ແລ້ວນຳ​ໄປ​ປັບປຸງ​ໃຫ້​ເໝາະສົມຕາມ​ແຕ່​ລົດ​ທີ່​ເຈົ້າຂອງ​ລົດ​ນັ້ນໃຊ້​ຢູ່ ​ໃນ​ຄັ້ງ​ແລກ​ອາດ​ຈະ​ຫຍຸ້ງຍາກ​ສຳລັບ​ຄົນ​ທີ່​ບໍ່ໄດ້​ຮຽນຮູ້ທາງ​ດ້ານ​ຊ່າງ​ມາ​ກ່ອນ ​ແຕ່​ຖ້າ​ເຮັດ​ຕະຫຼອດຈົນ​ເປັນນິ​ໄສ ຕາມ​ແຕ່ໄລຍະ​ເວລາ ​ແລະ ຄວາມ​ເໝາະສົມ​ຂອງ​ແຕ່ລະຄົນ ​ແລ້ວ​ຈະ​ຮູ້​ວ່າ​ລົດ​ບໍ່​ແມ່ນ​ເລື່ອງ​ຍາກ​ອີກ​ຕໍ່​ໄປ ​ເຮົາ​ດູ​ແລ​ລົດ​ດ້ວຍ​ຕົນ​ເອງ ​ໃນ​ເບື້ອງຕົນ​ເປັນ​ໂອກາດ​ທີ່​ລົດຈະ​​ເພ​ລະຫວ່າງ​ທາງ​ໃຫ້ໜ້ອຍທີ່​ສຸດ​ນັ້ນ​ເອງ.


ວິທີ​ການກວດ​ເຊັກ​ລົດ ດ້ວຍ​ຕົນ​ເອງ ​ເບື້ອງຕົ້ນ:

1. ​ການກວດ​ເຊັກ​ລະດັບ​ ນໍ້າມັນ​ເຄື່ອງ

2. ​ການກວດ​ເຊັກ​ລະດັບ ​ນໍ້າມັນ​ເກ​ຍອໍ​ໂຕ້ ( ສຳຫຼັບ​ລົດ​ເກ​ຍອໍ​ໂຕ້ )

3. ການກວດ​ເຊັກ​ລະດັບ ນໍ້າກັ່ນ​ໃນ​ແບັດ​ເຕີ​ລີ່ ( ສຳຫຼັບ​ແບັດ​​​ເຕີ​ລີ່​ແບບເຕີມ​ນ້ຳກັ່ນ )

4. ການກວດ​ເຊັກ​ລະດັບ​ ນໍ້າຫຼໍ່​ເຢັນ​ໃນໝໍ້ນໍ້າ ​ແລະ ​ໃນ​ຖັງ​ນ້ຳພັກ​ສຳຮອງ

5. ການກວດ​ເຊັກ​ລະດັບ ນໍ້າມັນ​ເບ​ກ

6. ການກວດ​ເຊັກ​ລະດັບ ນໍ້າມັນ​ຄາດ ( ສຳຫຼັບລົດ​ເກ​ຍທຳ​ມະ​ດາ )

7. ການກວດ​ເຊັກ​ລະດັບ​ ນໍ້າມັນ​ພວງມາ​ໄລ​ພາວ​ເວີ

8. ການກວດ​ເຕີມ ນໍ້າໃນ​ຖັງ​ນໍ້າສີດ​ແວ່ນ​ລົດ

9. ການກວດ​ເຊັກ ​ໄສ້​ກອງ​ອາກາດ​ລົດ

10. ການກວດ​ເຊັກ​ ປັບ​ຕັ້ງ ສາຍພານ​ຄອມ​ແອ

11. ການກວດ​ເຊັກ ປັບ​ຕັ້ງ ສາຍພານ​ໃດ​ສາກ​

12. ການ​ກວດ​ເຊັກ ການ​ຮົ່ວ​ຊຶມ ຂອງ​ທໍ່ທາງ​ເດີນ​ຕ່າງໆ

13. ການ​ກວດ​ເຊັກ ການ​ຮົ່ວ​ຊຶມ ບໍລິ​ເວນ​ດ້ານ​ລຸ່ມ​ຂອງ​ເຄື່ອງ​ຍົນ

14. ການກວດ​ເຊັກ ຊ່ວງ​ລ່າງ​ດ້ານຫຼັງ ຊ້າຍ-ຂວາ ​ແລະ ລະບົບ​ກັນ​ສະ​ເທືອ​ນ

15. ​ເຮັດ​ການກວດ​ເຊັກ ການ​ຮົ່ວ​ຊຶມ​ຂອງ​ຊຸດ​ເກ​ຍ

16. ການກວດ​ເຊັກ ການ​ຮົ່ວ​ຊຶມ​ຂອງ​ຊຸດ​ເຟືອງ​ທ້າຍ

17. ການກວດ​ເຊັກ ຊ່ວງ​ລ່າງ​ດ້ານຫຼັງ ຊ້າຍ-​ຂວາ ​ແລະ ລະ​ບົບກັນ​ສະ​ເທືອ​ນ

18. ການກວດ​ເຊັກ ຢາງ​ອາ​ໄຫຼ່ ກວດ​ເຕີມ​ລົມ​ຢາງ​ໃຫ້ຫຼາຍກວ່າ​ຢາງ​ປົກກະຕິ

19. ການກວດ​ເຊັກ ​ລົມ​ຢາງ​ລົດຍົນ ​ແລະ ສະພາບ​ຂອງ​ຢາງ​ລົດ​ທັງ 4 ລໍ້

20. ການກວ​ດ​ເຊັກ​ ໄສ້​ກອງລະບົບ​ປັບ​ອາກາດຂອງ​ລົດ​

21. ການກວດ​ເຊັກ ສັນຍານ​ໄຟ​ເຕືອນ​ຕ່າງໆ ຫຼັງຈາກ​ສະ​ຕາດ​ເຄື່ອງ​ວ່າ​ປົກກະຕິ ຫຼື ບໍ່

22. ການກວດ​ເຊັກ ລະບົບ​ໄຟ​ສ່ອງ​ສະຫວ່າງ ​ແລະ ​ໄຟ​ສັນຍານ​ຕ່າງໆ ວ່າ​ພ້ອມ​​ໃຊ້​ງານ ຫຼື ບໍ່